نیوی اہلکاروں کی شہادت پر آیت اللہ سید علی خامنہ ای کا تعزیتی پیغام
شیعت نیوز: قائد اسلامی انقلاب حضرت آیت اللہ خامنہ ای نے کمانڈر ان چیف میجر جنرل سید عبدالرحیم موسوی کے نام میں ایک پیغام میں کنارک فریگیٹ حادثے میں نیوی اہلکاروں کی شہادت پر تعزیت و تسلیت کا اظہار کرتے ہوئے جان بحق ہونے والوں کے لواحقین اور اہل خانہ کیلئے صبر و مزاحمت اور زخمی ہونے والوں کی صحتیابی کیلئے دعا کی۔
یہ بھی پڑھیں : ایرانی بحریہ کی ایک جنگی کشتی حادثہ کا شکار، 19 جوان شہید
حضرت آیت اللہ سید علی خامنہ ای کا پیغام درج ذیل ہے:
بسم اللہ الرحمن الرحیم
اسلامی جمہوریہ ایران کے کمانڈر ان چیف میجر جنرل موسوی
کنارک فریگیٹ کا افسوسناک حادثہ جس میں ایرانی نیوی کے کچھ اہلکار شہید ہوگئے ہیں، انتہایی ناگوار اور تلخ ہے۔
یہ بھی پڑھیں : جنرل باجوہ اور جنرل باقری کا ٹیلیفونک رابطہ،ایران و پاکستان مشترکہ اقتصادی و دفاعی تعاون کیلئے تیار
اگرچہ نیوی کے محنتی اہلکار وطن کی خدمت کی راہ میں بڑی عزت سے شہید ہوچکے ہیں اور اللہ رب العزت کے پاس ان کا مرتبہ بہت بلند ہے لیکن ان کے کھونے کا غم اور ان کی قیمتی جانوں کا ضیاع ان کے اہل خانوں اور ایرانی نیوی کیلئے انتہائی بھاری ہے۔
میں اس حادثے میں شہید ہونے والوں نیوی اہلکاروں کے لواحقین سے تعزیت کا اظہار کرتا ہوں اور اللہ رب العزت سے زخمی ہونے والوں کی جلد صحتیابی کی دعا کرتا ہوں۔
میں متعلقہ حکام سے مطالبہ کرتا ہوں کہ وہ اس واقعے کے تمام پہلووں کا جائزہ لے کر ممکنہ مجرموں کی نشاندہی کرتے ہوئے ایسے نقصان دہ اور تلخ واقعات کی تکرار کو روکنے کیلئے ضروری اقدامات اٹھائیں۔
سید علی خامنہ ای
۲۳ اردیبھشت ماہ ۱۳۹۹
12 مئی 2020ء
