شیعیان حیدرکرارؑ جہلم کی جانب سردارقاسم سلیمانی ؒ کی شہادت پر امریکا مردہ باد ریلی کا انعقاد
مولانا محمد باقر حیدری نے امریکہ کی وحشیانہ اورجارحانہ دہشت گردی کی پرزور مذمت کرتے ہوئے کہا کہ امریکہ اور اس کے پٹھو سن لیں کہ اب تمہاری تباہی و بربادی کے دن گنے جا چکے ہیں
شیعت نیوز: مدافع حرم بی بی سیدہ زینب ؑکربلا و نجف شہید سردار حاج قاسم سلیمانی وشہید ابو مہدی المہندس کو خراج عقیدت پیش کرنے اور ان کی المناک شہادت پر آج کے شیطان بزرگ امریکہ کی دہشت گردی کے خلاف شیعیان حیدرکرارؑ ہڈالہ سیداں دینہ جہلم کی جانب سے جامع مسجد صاحب الزمان (ع) ہڈالہ سیداں تا جی ٹی روڈ چوک دینہ تک مشترکہ امریکہ مردہ باد ریلی نکالی گئی۔
یہ بھی پڑھیں: شیعہ مسنگ پرسنز کی فہرست میں مزیداضافہ، مولانا سید تلاوت حسین شیرازی اسلام آباد آتے ہوئے اغواء
اس ریلی سے مولانا محمد باقر حیدری خطیب جامع مسجد ہڈالہ سیداں، ایڈووکیٹ سید طاہر محمود جعفری اور سید وسیم حیدر نقوی سیکرٹری جنرل ایم ڈبلیوایم ضلع جہلم نے خطاب کیا،جبکہ مردہ باد امریکہ کے نعروں کی گونج میں امریکی پرچم نذر آتش کیا گیا۔
یہ بھی پڑھیں: ملت جعفریہ کے احتجاج سے خوفزدہ امریکی قونصلیٹ جنرل نے اضافی سیکیورٹی کا مطالبہ کر دیا
مولانا محمد باقر حیدری نے امریکہ کی وحشیانہ اورجارحانہ دہشت گردی کی پرزور مذمت کرتے ہوئے کہا کہ امریکہ اور اس کے پٹھو سن لیں کہ اب تمہاری تباہی و بربادی کے دن گنے جا چکے ہیں ایک قاسم سلیمانی کو شہید کر کے کسی خوش فہمی نہ رہو۔ انشااللہ ہزاروں قاسم سلیمانی مظلومین و مستضعفین کی نصرت و مدد کےلئے تیار ہیں ۔
یہ بھی پڑھیں: قاسم سلیمانی نے عراق، شام، لبنان اور افغانستان سمیت اسلامی ممالک کا تحفظ کیا، علامہ ناظر تقوی
ایڈووکیٹ طاہر محمود جعفری نے کہا کہ مسلمانوں کی آنکھیں اب کھل جانی چاہیں ، امت مسلمہ اپنے دوست اور دشمن کو پہچانیں ، مذہبی تفرقات کو ختم کریں اورمتحد ہوجائیں۔ضلعی سیکرٹری جنرل مجلس وحدت مسلمین سید وسیم حیدر نے امریکہ کے اس دہشت گردی کی پرزور مذمت کی اور حکومت وقت کومتنبہ کیا کہ اگر پاکستان کی سرزمین کو کسی بھی اسلامی ملک کے خلاف استعمال کیا گیا تو پھر ولایت علی علیہ السلام کے ماننے والے سر پہ کفن باندھ اس اقدام کا راستہ روکیں گے۔
