عراق: آیت اللہ سیستانی کی قاسم سلیمانی اور ابو مہدی پر امریکی جارحیت کی مذمت

شیعت نیوز : عراق کے اعلی دینی مرجع آیت اللہ سید علی سیستانی نے بغداد ائیر پورٹ کے قریبی میجر جنرل قاسم سلیمانی اور ابو مہدی مہندس پر امریکی جارحیت کی شدید الفاظ میں مذمت کرتے ہوئے کہا ہے کہ امریکہ عراقی قوانین کی کھلی خلاف ورزی کررہا ہے۔

یہ بھی پڑھیں : سپاہ قدس کے عظیم سپہ سالار حاج قاسم سلیمانی درجہ شہادت پر فائز ہوگئے

آیت اللہ سید علی سیستانی کے بیان کو شیخ عبدالمہدی الکربلائی نے نماز جمعہ کے خطبوں میں پیش کرتے ہوئے کہا کہ آیت اللہ سیستانی نے ابو مہدی مہندس، میجر جنرل قاسم سلیمانی اور ان کے ہمراہ دیگر8 افراد کی شہادت پر گہرے دکھ اور رنج کا اظہار کرتے ہوئے کہا ہے کہ امریکی جارحیت عراقی اور عالمی قوانین کی کھلی خلاف ورزی کررہا ہے ۔

یہ بھی پڑھیں : امریکی میزائل حملے عالمی استعمار کے عنقریب خاتمے کا پیش خیمہ ہیں، علامہ ساجد علی نقوی

انھوں نے عراقی حکومت پر زوردیا کہ امریکہ کو عراقی قوانین نقض کرنےاجازت نہ دیں اور عراقی سرزمین کو امریکہ کے نجس اور منحوس وجود سے پاک کرنے کی کوشش کریں ۔

انھوں نے کہا کہ امریکہ نے عراقی عوام کے امن و سلامتی کو نشانہ بنا رکھا ہے اور وہ خطے میں عدم استحکام پیدا کررہا ہے۔