اہل بیت اطہار ؑ سے متمسک ہوئے بغیر نجات ممکن نہیں، علامہ سید تقی شاہ نقوی

شیعت نیوز: اہل بیت اطہار ؑ کی مقدس و مطہر ہستیوں سے متمسک ہوئے بغیر نجات ممکن نہیں، گمراہی کی ضلالت سے بچنے اور ہدایت کے نور پر گامزن ہونے کیلئے ان ہستیوں کے عقائد،کردار اور عمل سے وابستگی لازم و ملزوم ہے۔

ان خیالات کا اظہار شیعہ علماء کونسل پاکستان کے مرکزی رہنمااور پرنسپل جامعہ محزن العلوم ملتان علامہ سید محمد تقی شاہ نقوی نےدورہ سندھ کے موقع پر مختلف اجتماعات سے خطاب کرتے ہوئے کیا۔

یہ بھی پڑھیں: اسلام کا حقیقی پیروکار بننے کیلئے ہمیں سیرت نبوی کو عملی زندگی کا حصہ بنانا ہوگا،علامہ ساجدنقوی

مرکزی امام بارگاہ شاہ نجف میں خطاب کرتے ہوئے ان کا کہنا تھا کہ رسول اکرمﷺ کے فرمان مبارک کے مطابق مولا علیؑ جنت و جہنم کو تقسیم کریں گےاور یقینا مولا علی ؑشیر خدا یہ تقسیم عدل کی بنیاد پر کریں گے اور ہمارا ایمان ہے کہ علیؑ مولا ہر ایک کے ساتھ عدالت سے پیش آئیں گے اسلئے ہمیں خود کواپنے عقیدہ اور عمل سے علی امیرالمومنین علیہ السلام کا سچا تابعدار ثابت کرنا چاہئے۔

جشن میلاد النبی ص و امام جعفر صادق ع کی مناسبت سے جامعہ رضویہ باندھی سندھ میں خطاب کرتے ہوئے کہا کہ ان ذوات مقدسہ سے زبانی محبت کافی نہیں بلکہ محبت کا تقاضہ یہ ہے کہ ہمارا کردار، ہمارا ہر فعل اور ہر حرکت ان کے اسوہ کے مطابق ہو اور وہ خود کہیں کہ یہ ہمارا حبدار ہے اور ہم اس سے راضی ہیں۔

یہ بھی پڑھیں: اس وقت یہود و نصاریٰ کا اولین ہدف امت مسلمہ کی تباہی و تنزلی ہے، علامہ راجہ ناصرعباس

بھچیری شہر دوڑ میں جش ولادت باسعادت حضرت رسول اعظم ص اور امام جعفر صادق ع سے خطاب کرتے ہوئےانہوں نے کہا کہ ان مقدس و مطہر ہستیوں سے متمسک ہوئے بغیر نجات ممکن نہیں، گمراہی کی ضلالت سے بچنے اور ہدایت کے نور پر گامزن ہونے کیلئے ان ہستیوں کے عقائد،کردار اور عمل سے وابستگی لازم و ملزوم ہے۔