عراق سے واپسی پر پاکستانی زائرین کی بس کا ایران میں حادثہ 4 افراد شہید

شیعت نیوز : عراق سے واپسی پر پاکستانی زائرین کی بس ایرانی شہر زاہدان واپس جا رہی تھی کہ ٹرالر سے ٹکرا گئی۔حادثے میں 4 افراد موقع پر ہی شھید ہوگئے ، جبکہ 42 زائرین زخمی ہوئے۔زخمیوں کا علاج معالجہ جاری ہے۔

اطلاعات کے مطابق اسلامی جمہوریہ ایران کے صوبہ بیرجند کی ٹریفک پولیس افسر کا کہنا ہے کہ عراق سے واپسی پر پاکستانی زائرین کی بس اور ٹرالر کے درمیان ہونے والے تصادم میں 4 افراد شھید اور42 زخمی ہوگئے ہیں۔ ٹریفک پولیس افسر کے مطابق کہ حادثہ صبح 4 بجے ٹرالر ڈرائیور کی غلطی کی وجہ سے پیش آیا۔تفصیلات کے مطابق بس میں 44 پاکستانی زائرین سوار تھے جو عراق سے واپس آرہے تھے۔

یہ بھی پڑھیں :ژوب کے علاقے میں زائرین کے کانوائے کو حادثہ متعدد بسیں آپس میں ٹکرا گئیں

زرائع کے مطابق ایک شدید زخمی کو ہیلی کاپٹر کے ذرئعے بیرجند شہر منتقل کیا گیا ہے۔ جبکہ باقی 42 پاکستانی زائرین جو معمولی زخمی تھے ایک دوسری بس کے ذریعے نہبندان شہرکے اسپتال منتقل کئے گئے ہیں۔نہبدان میں اسپتال ذرائع کا کہنا ہے کہ 35 افراد کو معمولی چوٹیں لگی تھیں۔ جبکہ 5 افراد زیادہ زخمی ہیں ان کا علاج معالجہ جاری ہے۔