سعودی عرب میں فحش ڈانسر نکی مناج کے استقبال کیلئے امریکی مجسمہ آزادی کی شبیہہ نصب

شیعت نیوز: سعودی ولی عہد محمد بن سلمان کی ذاتی خواہش پر فحش امریکی ڈانسر نکی مناج کے استقبال کیلئےمشہور امریکی مجسمہ آزادی "اسٹیچو آف لبرٹی” حرم پاک مکہ سے 45 منٹ کی مسافت پر "جدہ” شہر میں نصب کردیا گیا ہے۔

تفصیلات کے مطابق سعودی ولی عہد محمد بن سلمان کی خصوصی دعوت پر سرزمین مقدس حجاز پر اپنی فحاشی وعریابی کے جلوے بکھیرنے کیلئے آنے والی بین الاقوامی شہرت یافتہ امریکی ڈانسر نکی مناج کے استقبال کی تیاریاں عروج پر ہیں ۔

یہ خبر بھی لازمی پڑھیں:معروف عریاں امریکی ریپر نِکی مناج سرزمین کعبتہ اللہ پرفحاشی کی محفل سجانے کیلئےتیار

محمد بن سلمان نے نکی مناج کے سعودیہ عرب میں شاندار استقبال کیلئے مشہورومعروف امریکی مونومنٹ "اسٹیچو آف لبرٹی”کی شبیہہ خانہ کعبہ سے فقط چند فرلانگ کے فاصلے پر جدہ میں نصب کروادیا ہے ۔ اس اقدام سے ثابت ہوتا ہے سعودی عرب کی شاہی حکومت کس طرح اسلامی معاشرے کو امریکہ ذدہ کرنے کی کوشش میں مصروف ہے ۔

واضح رہے کہ معروف فحش امریکی ڈانسر نکی مناج رواں ماہ کی 17تاریخ کو سرزمین مقدس وحی پراپنی فحش اداؤں کا مظاہرہ کرنےاور سعودی شہریوں کو لبھانے کیلئے پہنچ رہی ہے۔ جس کی آمد پر مذہبی طبقات کی جانب سے شدید ردعمل بھی سامنے آرہا ہے ۔