امامیہ طلبہ کی نمائندہ جماعت امامیہ اسٹوڈنٹس آرگنائزیشن پاکستان کی مرکزی کابینہ برائے سال 2019-20کا اعلان

شیعیت نیوز: امامیہ اسٹوڈنٹس آرگنائزیشن پاکستان کی مجلس عاملہ کا چار روزہ اجلاس شاہ جمال لاہور میں جاری ہے۔ اجلاس میں اراکین عاملہ نے کثرت رائے سے نئے مرکزی کابینہ کی منظوری دی جبکہ مرکزی صدر قاسم شمسی نے نو منتخب کابینہ سے حلف لیا۔ مرکزی نائب صدر علی ضامن، سینیئر مرکزی نائب صدر عدیل شجاع، جنرل سیکرٹری عارف حسین، سیکرٹری تعلیم طاہر حسین، انچارج محبین فہیم جواد، ڈپٹی جنرل سیکرٹری شہنشاہ نقوی، نشرواشاعت سیکرٹری علی اشتر، فنانس سیکرٹری سیماب حیدر، سیکرٹری اطلاعات جلال حیدر، امامیہ چیف سکاوٹ زاہد مہدی منتخب ہوئے۔ اس موقع پر مرکزی صدر کا کہنا تھا کہ پاکستان کی جامعات میں سیکولر طبقات طاقتور ہو چکے ہیں اور طلبا کو دینی تعلیمات سے دور کر رہے ہیں۔ اسلام کے حقیقی چہرے سے روشناس کروانا ہماری دینی و اخلاقی فریضہ ہے۔ ان کا کہنا تھا کہ آئی ایس او پاکستان اپنے قیام سے لیکر آج تک نوجوانوں کو صحیح فکر اسلامی سے متعارف کرانے میں اہم کردار ادا کر رہی ہے، جس کا نصب العین ہی یہی ہے کہ تعلیمات قرآن اور سیرت محمد و آل محمد صلی اللہ علیہ و آلہ وسلم کے مطابق نوجوان نسل کی زندگیوں کو استوار کرنا تاکہ وہ اچھے انسان اور مومن بن کر دین مبین کی سر بلندی اور مملکت خداداد پاکستان کی نظریاتی و جغرافیائی سرحدوں کی حفاظت کر سکیں۔