عزاداری امام حسین ؑ کے خلاف کوئی سازش کو قبول نہیں کرینگے، علامہ مقصود ڈومکی

شیعیت نیوز: مجلس وحدت المسلمین صوبہ سندھ کے سیکرٹری جنرل علامہ مقصود علی ڈومکی نے کہا ہے کہ عزاداری کے خلاف ہر قسم کی سازش کا ڈٹ کر مقابلہ کیا جائے گا۔ محرم الحرام کے دوران عزاداری اور عزاداروں کو مکمل سکیورٹی کی فراہمی کے لئے تمام تر انتظامات مکمل کرائے جائیں گے،ان خیالات کا اظہار انہوں نے وحدت ہاؤس کراچی میں اجلاس سے خطاب کرتے ہوئے کیا،اجلاس میں محرم الحرام کے دوران کراچی میں منعقد ہونے والے عزاداری، مجالس اور جلوسوں کے پروگرامز کو حتمی شکل دے دی گئی اور ایک عزاداری سیل بھی قائم کیا گیا جس کے انچارج علی حسین نقوی ہوں گے،اجلاس سے خطاب کرتے ہوئے علامہ مقصود علی ڈومکی نے کہا کہ اس سال کراچی میں ہونے والی تمام مجالس، عزاداری اور جلوسوں کو مکمل سکیورٹی کی فراہمی کے لئے مجلس وحدت المسلمین نے انتظامات کو حتمی شکل دے دی ہے اس کے علاوہ محرم الحرام کے دوران صفائی ستھرائی اور دیگر تمام انتظامات کو بھی مکمل کریا جائے گا،انہوں نے عزاداری سیل کے قیام کا اعلان کرتے ہوئے کہا کہ علی حسین نقوی کی قیادت میں بننے والے سیل میں میر تقی ظفر ،علامہ مبشر حسن ،آصف صفوی ،سبط اصغر ،زین رضا کو بحثیت ارکان شامل کیا گیا ہے،یہ سیل محرم الحرام کے دوران شہر میں ہونے والی تمام مجالس، جلوس اور عزاداریوں کی سیکورٹی کے ساتھ ساتھ ان علاقوں کی صفائی اور دیگر انتظامات کو مکمل کریں گے اور درپیش مشکلات کا ازالہ کریں گے،انہوں نے کہا کہ عزاداری کے خلاف کسی بھی سازش کو اب اس شہر کے شیعہ اور سنی بھائی مل کر ناکام بنائیں گے اور 1400 سال سے جاری عزاداری کو تاقیامت کسی کو روکنے کی اجازت نہیں دی جائے گی۔انہوں نے کہا کہ کراچی منعقد ہونے والی محرم الحرام کی تمام مجالس اور جلوسوں کو مکمل سیکورٹی فراہم کی جائے گی اور اس سلسلے میں انتظامات کو مجلس وحدت مسلمین میں حتمی شکل دے دی ہے اور انتظامات کے ساتھ ساتھ مجالس منعقد ہونے مقامات پر صفائی ستھرائی کے ساتھ ساتھ دیگر انتظامات بھی کیئے جائیں گے۔