گورنر اسٹیٹ بینک آف پاکستان کی ایرانی ہم منصب سے اہم ملاقات، اقتصادی تعاون پر گفتگو
WebDesk
15 اکتوبر, 2026 13:35
اسٹیٹ بینک آف پاکستان
شیعیت نیوز : اسلامی جمہوریہ ایران کے مرکزی بینک کے گورنر عبدالناصر ہمتی نے تھائی لینڈ کے دارالحکومت بنکاک میں آئی ایم ایف اور عالمی بینک کے سالانہ اجلاسوں کے موقع پر اسٹیٹ بینک آف پاکستان کے گورنر جمیل احمد سے اہم ملاقات کی ہے۔
ذرائع ابلاغ کے مطابق، اس ملاقات میں پاکستان اور ایران کے درمیان اقتصادی اور بینکاری تعلقات کو مزید مضبوط بنانے اور تجارتی سرگرمیوں کے فروغ پر تفصیلی تبادلہ خیال کیا گیا۔ مذاکرات میں دوطرفہ تعاون کو وسعت دینے کے لیے مالیاتی اور بینکاری شعبوں میں اشتراک بڑھانے، تجارتی تبادلوں کو آسان بنانے اور دونوں برادر ممالک کی اقتصادی صلاحیتوں سے بھرپور استفادہ کرنے پر زور دیا گیا۔
یہ بھی پڑھیں : آبنائے ہرمز بند ہے، بغیر ہم آہنگی آمدورفت کے سنگین نتائج ہوں گے، ایڈمرل حبیب اللہ سیاری
واضح رہے کہ بین الاقوامی مالیاتی فنڈ (آئی ایم ایف) اور عالمی بینک گروپ کے سالانہ اجلاس 12 سے 18 اکتوبر تک تھائی لینڈ کے دارالحکومت بنکاک میں منعقد ہو رہے ہیں، جہاں عالمی معاشی امور پر تبادلہ خیال کیا جا رہا ہے۔
