قابض فوج نے فلسطینی خاندانوں سے جبرا مکانات مسمار کرا دیئے

مقبوضہ بیت المقدس (مانیٹرنگ ڈیسک)قابض صہیونی فوج نے فلسطین کے مقبوضہ بیت المقدس میں دول مقامی فلسطینی خاندانوں سے سے زبردستی اس کے گھر مسمار کرادیے۔ گذشتہ روز اسرائیلی حکام نے بیت المقدس میں سلوان قصبے کی یاصول کالونی میں پولیس کی بھاریی نفری کی موجودگی میں فلسطینی شہریوں سے ان کے مکانات زبردستی مسمار کرادیے۔

مقامی فلسطینی شہری وائل الشوبکی نے ’قدس پریس‘ کو بتایا کہ ان کے مسمار کردہ گھر 150 مربع میٹر پر بنائے گئے تھے۔ حال ہی میں اسرائیلی بلدیہ اور دیگر حکام نے انہیں مکانات خالی کرکے خود ہی مسمار کرنے کا حکم دیا تھا اور ساتھ ہی کہا تھا کہ اگر ہم اپنے مکانات خود مسمار نہیں کریں گے تو ہمیں مکان مسماری کےا خراجرات ادا کرنا ہوں گے اور 90 شیکل کی بھاری رقم جرمانہ کے طور پرادا کرنا ہوگی۔

ایک دوسرے فلسطین شہری ابراہیم عمیرہ نے بتایا کہ اسے بھی قابض فوج کی طرف سے مکان خالی کرنے کے بعد مسمار کرنے کا نوٹس جاری کیا گیا تھا۔ عمیرہ نے بتایا کہ وہ اپنے نئے گھر میں دو ماہ سے اپنے بیوی بچوں کے ساتھ رہ رہے تھے۔ قابض فوج نے دعویٰ کیا ہے کہ ہم نے مکان اسرائیلی بلدیہ کی اجازت کےبغیر تعمیر کیا تھا اس لیے اسے فوری طور پرمسمار کرنے کا حکم دیا گیا تھا۔

خیال رہے کہ مقبوضہ بیت المقدس اور فلسطین کے دوسرے علاقوں میں فلسطینیوں کے مکانات کی مسماری صہیونی فوج کا پسندیدہ مشغلہ بن چکی ہے۔ اس گھناؤنے حربےکا مقصد القدس کے فلسطینی باشندوں پر عرصہ حیات تنگ کرکے انہیں شہر سے نکل جانے پر مجبور کرنا ہے۔