امریکہ ، ایران اور پاکستان کے درمیان تعلقات خراب کرنے کی مسلسل کوشش کر رہا ہے

اسلامی جمہوریہ ایران کے سفیر مہدی ہنر دوست نے انگریزی اخبار دی نیشن کو خصوصی انٹرویو دیتے ہوئے کہی۔ ان کہنا تھا کہ امریکہ، ایران اور پاکستان کے درمیان دوری پیدا کرنے کی کوششوں میں مصروف ہے-مہدی ہنر دوست نے کہا کہ ایران اور پاکستان کے درمیان تعاون کی گنجائش اور تعلقات کے فروغ کے لیے دونوں ملکوں کی حکومتوں اور عوام کا عزم، امریکہ اور مغرب کی تفرقہ انگیز پالیسیوں میں رکاوٹ ہے-ایران کے سفیر نے مشترکہ سرحدوں پر انجام پانے والے دہشت گردانہ اقدامات کے بارے میں کہا کہ نہ چاہتے ہوئے بھی ایران اور پاکستان کی مشترکہ سرحدوں پر مشکلات پیدا ہوجاتی ہیں جو دونوں ملکوں کے مفاد میں نہیں، تاہم باہمی تعاون کے ذریعے ان مشکلات پر قابو پایا جاسکتا ہے-مہدی ہنر دوست نے دہشت گردی کے خلاف جنگ میں ایران اور پاکستان کے درمیان تعاون کے بارے میں کہا کہ، داعش اور سرحدی علاقوں میں سرگرم دوسرے دہشت گرد عناصر، دونوں ملکوں کے لیے خطرہ ہیں لہذا دہشت گردی کے خلاف جنگ میں بھی دونوں ملکوں کے درمیان کسی سمجھوتے تک پہنچنے کا امکان موجود ہے –