ناصر شیرازی کو فلفوربازیاب کروا کراور انہیں اغوا کرنے والوں کو عبرت ناک سزا دی جائے۔ پرویز مشرف

شیعت نیوز: آل پاکستان مسلم لیگ کے سربراہ سید پرویز مشرف نے مجلس وحدت مسلمین کے راہنما سید ناصر شیرازی ایڈوکیٹ کی گمشدگی اور کئی دن گزرنے کے باوجود عدم بازیابی پر تشویش کا اظہارکیا ہے ۔میڈیا کو جاری ایک بیان میں پرویز مشرف نے کہا کہ ناصر شیرازی کے اغوا کو کئی دن گزر جانے کے باوجود بازیاب نہ کروائے جانے سے حکمرانوں کی عوامی مسائل میں دلچسپی کا پول کھل گیا ہے۔ حکمران اقتدار بچانے میں مصروف ہیں جبکہ عوام کا کوئی پرسان حال نہیں ہے۔ انہوںنےحکمرانوں کے اس روئیے کی شدید مذمت کرتےہوئے کہا کہ انہیں یہ شرمناک رویہ ترک کرنا چاہیئے، پریشانی کی اس گھڑی ناصر شیرازی کے اہل خانہ اور مجلس وحدت مسلمین کے ساتھ دل و جان سے کھڑے ہیں۔ سید پرویز مشرف حکومت سے مطالبہ کرتے ہیں کہ ناصر شیرازی کی فوری بازیابی کے لئے خاطر خواہ اقدامات کئے جائیں۔ انہوں نے حکومت اور اعلیٰ ریاستی اداروں سے مطالبہ کرتے ہوئے کہا کہ ناصر شیرازی کو فلفوربازیاب کروا کراور انہیں اغوا کرنے والوں کو عبرت ناک سزا دی جائے۔