یمن پر سعودی عرب کے تازہ ترین حملے اور یمنی عوام کا قتل عام

یمن کے ایک رہائشی علاقے پر سعودی عرب کے لڑاکا طیاروں کے حملے میں کم از کم نو بچے اور عورتیں شہید ہوگئیں-

یمن کے المسیرہ ٹی وی چینل کی رپورٹ کے مطابق سعودی عرب کے لڑاکا طیاروں نے جمعے کی صبح یمن کے دارالحکومت صنعا کے شمال میں واقع شہر ” ارحب ” کے علاقے ” بیت مران ” میں ایک یمنی شہری کے گھر پر بمباری کردی کہ جس کے نتیجے میں کم از کم چار عورتیں اور پانچ بچے شہید ہوگئے-

در ایں اثنا جمعرات کو بھی شمالی یمن کے صوبے صعدہ کے علاقے ” صحن ” میں ایک رہائشی عمارت پر سعودی عرب کے لڑاکا طیاروں کے حملے میں شھید والوں کی تعداد بڑھ کر سولہ ہوگئی ہے- اس حملے میں بھی شھید والے زیادہ تر بچے اور عورتیں ہیں-

سعودی عرب کے لڑاکا طیاروں نے اسی طرح جمعرات کو صوبہ صعدہ کے علاقے قحزہ میں مواصلاتی نٹ ورک کو ایک بار پھر نشانہ بنایا –

سعودی جنگی طیاروں نے صعدہ کے الصیفی فوجی اڈے پر بھی حملہ کیا ہے- ان جنگی طیاروں نے مغربی یمن میں حدیدہ ایئرپورٹ کو بھی اپنے حملوں کا نشانہ بنایا ہے-