یمنی خواتین نے سعودی جارحیت کے ایک سال کے دوران بھرپور استقامت کا مظاہرہ کیا ہے عبدالملک حوثی

یمن کی عوامی تحریک انصاراللہ کے سربراہ عبدالملک الحوثی نے اس پیغام میں یمنی خواتین کے کردار اور بچوں کی تربیت میں ان کے اثرات کا ذکر کرتے ہوئے یمن پر گذشتہ ایک برس سے جاری وحشیانہ سعودی جارحیت کے دوران عزت و شرف کے میدان میں یمنی خواتین کی استقامت کی تعریف کی- انہوں نے کہا کہ یمن کی خواتین نے سعودی عرب کے وحشیانہ حملوں کے مقابلے میں پچھلے ایک سال کے دوران بھرپور استقامت و پامردی کا مظاہرہ کیا ہے- عبدالملک الحوثی نے اس پیغام میں کہا ہے کہ دین اسلام خواتین کی عظمت و منزلت پر تاکید کرتا ہے مگر آج وہ لوگ عورتوں کے حقوق کے دفاع کا دعوی کرتے ہیں کہ جو یمنی خواتین اور بچوں پر سعودی عرب کے وحشیانہ حملوں کے مقابلے میں خاموش تماشائی بنے ہوئے ہیں- عبدالملک الحوثی نے کہا کہ اس سے ثابت ہو جاتاہے کہ ان ملکوں کے دعوے سراسر جھوٹے ہیں۔