فلم یوسف پیغمبر کے ہدایت کار کے انتقال پر رہبر انقلاب کا تعزیتی پیغام
شیعیت نیوز: پیغمبروں کی زندگیوں پر مختلف تاریخی فیلمیں بنانے والے مشہور ایرانی ہدایت کار مرحوم ‘فرج اللہ سلحشور’ کے انتقال پر سپریم لیڈر ‘حضرت آیت اللہ خامنہ ای’ نے تعزیت کا اظہار کیا.
ایران میں بننے والے ٹی وی سیریل حضرت ایوب، مردان آنجلس (اصحاب کہف) اور حضرت یوسف علیہ السلام کے ہدایت کار فرج اللہ سلحشور گزشتہ ہفتے کے روز تہران میں واقع بقیۃ اللہ اسپتال میں انتقال کرگئے.
مرحوم سلحشور کینسر کے مرض میں مبتلا تھے. ان کے پھیپھڑوں نے بیماری کے باعث کام کرنا چھوڑ دیا تھا جس کی وجہ سے مرحوم کو انتہائی نگہداشت یونٹ میں داخل کردیا گیا تھا مگر وہ جانبر نہ ہوسکے.
رہبر معظم اسلامی انقلاب حضرت آیت اللہ العظمی خامنہ ای نے اس مشہور ایرانی ہدایت کار کے انتقال پر ان کے خاندان سے تعزیت کا اظہار کرتے ہوئے فرمایا کہ مرحوم ہنر کے میدان بالخصوص ایرانی سینما میں ایک نمایاں آرٹسٹ تھے جن کا نام تاریخ میں سنہری حروف میں لکھا جائے گا.
