عرب لیگ ٹھوس موقف اختیار کرے
08 اپریل, 2014 08:43
فلسطین کی اسلامی مزاحمتی تحریک حماس نے عرب لیگ کے رکن ممالک کے وزراء خارجہ سے مطالبہ کیا ہے کہ وہ صہیونی حکومت کے ساتھ سازشی مذاکرات کی مخالفت میں ٹھوس موقف اختیار کرے۔ فلسطین میڈیا سیل کی رپورٹ کے مطابق تحریک حماس کے ترجمان "فوزی برھوم” نے کہا ہے کہ عرب لیگ کے رکن ممالک کا سرکاری موقف مکمل طور پر ملت فلسطین کے نصب العین کے مطابق ہونا چاہیے۔”فوزی برھوم” نے مزید کہا کہ ملت فلسطین، عرب لیگ کے رکن ممالک سے یہ چاہتی ہے کہ وہ قانونی، سیاسی، سفارتی اور ذرائع ابلاغ کی سطح پر ملت فلسطین کے خلاف صہیونی حکومت کے حملوں کو روکنے اور غزہ کے ظالمانہ محاصرے کو ختم کرانے کے لئے آواز اٹھائيں اور صہیونی حکومت کے خلاف اپنے دباؤ بڑھائیں۔ واضح رہے کہ عرب لیگ کے رکن ممالک کے وزراء خارجہ نو اپریل 2014 کے اپنے اجلاس میں صہیونی حکومت اور فلسطین کی خود مختار انتظامیہ کے درمیان سازشی مذاکرات کے نتائج پر غور کریں گے۔
