لبنان:ناوابستہ تحریک کے اجلاس نے ایران کے سفارتی محاصرے کو توڑ دیا ہے

شیخ عفیف نابلسی نے کہا ایران نے ناوابستہ تحریک کے سربراہی اجلاس کے انعقاد کے ذریعہ سیاسی ناکہ بندی کے خاتمے میں کامیاب ہوکر اپنے دشمنوں کو سب سے بڑی سفارتی شکست دی ہے۔
رپورٹ کے مطابق، لبنان کے شہر صیدا میں سیدہ الزہرا (س) کمپلکس کے خطیب جمعے نے اپنے خطاب میں کہا آج ایران طاقت کے عروج پر ہے اور اس نے سفارتی محاصرے کو توڑ کر ایک بہت بڑی کامیابی حاصل کی ہے اور دشمنوں کے اکی بہت بڑی سلفارتی شکست سے دوچار کیا ہے کیونکہ ایران نے ایک سو بیس سے زائد ممالک کو تہران میں اکٹھا کر کے یہ کامیابی حاصل کی ہے۔
انہوں نے اپنے خطاب میں ایران کی فلسطین سے حمایت کی طرف اشارہ کرتے ہوئے کہا اب تک کسی عرب حکمران میں اتنی جرات نہ تھی کہ امریکہ کے مقابلے میں آئے یا فلسطین کی حمایت کے حوالے سے امریکہ کے سیاسی اور معاشی رویوں کے خلاف صدائے احتجاج بلند کرے۔ بعض امریکہ نواز عرب حکومتیں صرف ایران کو اپنا دشمن سمجھتی ہیں لیکن اس دشمنی کی وجہ کیا؟ ایران نے ان عربوں کا کیا بگاڑا ہے؟ وہ تو صرف فلسطین کی مدد اور اپنے دفاع کا خواہان ہے۔