ترکی اور قطر کے وزرا خارجہ کی سید حسن نصر اللہ سے ملاقات

ترکی اور قطر کے وزرا خارجہ نے حزب اللہ لبنان کے سربراہ سید حسن نصراللہ سے ملاقات میں لبنان کےبحران کی راہوں کا جائزہ لیا۔ رپورٹ کے مطابق حزب اللہ نے آج ایک بیان میں کہا ہے کہ سید حسن نصراللہ نے قطر کے وزیرخارجہ حمد بن جاسم آل ثانی اور ترک وزیرخارجہ احمد داود اوغلو سے ملاقات میں لبنان کے سیاسی بحران بالخصوص رفیق حریری قتل کیس ٹریبیونل، نیز نئي حکومت کے بارےمیں گفتگو کی۔

حزب اللہ کےبیان کے مطابق یہ ملاقات منگل کی رات کو انجام پائي۔ قطر اور ترکی کے وزرا خارجہ منگل کو بیروت پہنچے تھے۔ ان رہنماوں نے لبنان کے دیگر اعلی حکام سے بھی ملاقات کی ہے۔ قابل ذکرہے حزب اللہ کا کہنا ہےکہ رفیق حریری قتل کیس ٹربیونل امریکہ اور صیہونی حکومت کے مفادات کے تحفظ کے لئے بنایا گيا ہے بنابریں اس کا کوئي فیصلہ قابل قبول نہیں ہوسکتا۔

حزب اللہ نے جو شواہد پیش کئےہیں ان سے ثابت ہگیا ہے کہ لبنان کے سابق وزیراعظم رفیق حریری صیہونی حکومت کے فضائي حملےمیں مارے گئےتھے۔