سعودی عرب میں 18 افراد کو قید کی سزا
سعودی عرب کی فوجداری عدالت نے 18 افراد منجملہ اس ملک کے 11 باشندوں کو دہشت گردی کی حمایت میں قید کی سزا سنائی ہے ۔ لبنان کے العھد نیوز چینل کی رپورٹ کے مطابق سعودی عرب کی کریمنل کورٹ نے کل بدہ کو 11 سعودی باشندوں اور سات یمنی ، فلسطینی اور عمانی باشندوں کو، برطانیہ کے قونصل خانے میں دھماکے کی کوشش کرنے، ہتھیار لیکر چلنے اور انتہا پسندوں کے لئے مالی امداد جمع کرنے کے الزام میں 3 سال سے 20 سال تک قید کی سزا سنائی ہے ۔سعودی عرب کی کریمنل کورٹ نے ایک حکم میں کہا ہے کہ یمنی، فلسطینی اور عمانی باشندے اپنی سزا کی مدت گذارنے کے بعد، نقدی جرمانہ ادا کریں اور سعودی عرب سے نکل جائیں ۔ یہ ایسی حالت میں ہے کہ علاقے کے حالات پر گہری نظر رکھنے والے بہت سے مبصرین کا کہنا ہے کہ سعودی عرب خود ، عراق، شام ، لبنان ، یمن اور لیبیا میں دہشت گردی اور انتہا پسندی کو فروغ دے رہا ہے اور ہمیشہ مالی اور اسلحہ جاتی مدد اور سلفی و وہابی اسکولوں کے قیام کے ذریعے ،انتہا پسند اور تشدد پسند گروہوں کی ترویج میں مدد کررہا ہے ۔