سعودي عرب ميں آل سعود کے خلاف مظاہرے جاري
سعودي عرب کے مختلف علاقوں ميں آل سعود کے خلاف عوام کے مظاہروں کا سلسلہ جاري ہے
مختلف شہروں ميں عوام نے ايک بار پھر سڑکوں پر نکل کے آل سعود کے مظالم کي مذمت کي اور تمام سياسي قيديوں کي فوري رہائي کا مطالبہ کيا –
يہ ايسي حالت ميں ہے کہ انساني حقوق کے بين الاقوامي ادارے ہيومن رائٹس واچ نے اعلان کيا ہے کہ سعودي عرب ميں حکومت پر ہر قسم کي تنقيد اور مخالفت کو سختي سے کچلا جارہا ہے –
سعودي عرب کے انساني حقوق کے کارکنوں کا کہنا ہے کہ اکثر سياسي قيديوں کو بلا مقدمہ چلائے جيلوں ميں بند رکھا گيا ہے –
گزشتہ اکتوبر ميں شمالي رياض کي ايک جيل کے سامنے مظاہروں کے بعد آل سعود کي حکومت نے ہر قسم کے مظاہرے پر پابندي کا اعلان کرتے ہوئے خبردار کيا تھا کہ حکومت کي مخالفت اور مظاہروں کے نتائج خطرناک ہوں گے –
قابل ذکر ہے کہ سعودي عرب کے مختلف علاقوں بالخصوص صوبہ شرقيہ ميں واقع القطيف اور العواميہ ميں فروري دو ہزار گيارہ سے تسلسل کے ساتھ مظاہرے ہورہے ہيں –
ان مظاہروں کے دوران آل سعود کے سيکورٹي اہلکاروں کي فائرنگ ميں متعدد افراد شہيد اور دسيوں زخمي ہوچکے ہيں.