آسٹریلیا صہیونیت مخالف مظاہرہ مسلمانوں نے ایران کا شکریہ ادا کیا
آسٹریلیا کے شہر سڈنی میں سینکڑوں مسلمانوں اور عیسائیوں نے غزہ کے مظلوم عوام کے حق اور صہیونی ریاست کے خلاف مظاہرہ کرکے حالیہ جنگ میں ایران کی حمایت سے حاصل ہونے والی فتح پر اسلامی جمہوریہ ایران کا شکریہ ادا کیا۔
رپورٹ کے مطابق آسٹریلیا کے شہر سڈنی میں سینکڑوں مسلمانوں اور عیسائیوں نے مل کر غزہ کی حالیہ لڑائی میں فلسطینیوں کی فتح اور اسرائیل کی شکست کے سلسلے میں مظاہرہ کرکے اسلامی جمہوریہ ایران کا شکریہ ادا کیا جس نے مالی اور فوجی امداد دے کر غزہ کے مجاہدین کی کامیابی کو یقینی بنایا۔
اس مظاہرے میں انسانی حقوق کے کئی اہم کارکن، اور کئی دینی اور سیاسی راہنماؤں نے شرکت کی۔ عیسائی دینی راہنما فادر ڈائیو اسمتھ، گرین پارٹی کی راہنما مسز لی راینن اور آسٹریلیا لیبر پارٹی کی راہنما مسز لنڈا ولٹز نے مظاہرین سے خطاب کرتے ہوئے صہیونی ریاست کے مظالم و جرائم کی مذمت کی۔
سڈنی سے ابنا کے رپورٹ کے مطابق مظاہرین نے فلسطین کے جھنڈے، حزب اللہ کے جھنڈے، اسرائیل مخالف نعروں پر مشتمل پلے کارڈز نیز اسلامی جمہوریہ ایران کے حوالے سے تشکر آمیز عبارات پر مشتمل پلے کارڈز اٹھا رکھے تھے۔
