لندن کي ميٹرو پوليٹن يونيورسٹي کے سيکڑوں طلبا کا محکمہ ايمگيريشن کي عمارت کہ مظاہرے
لندن کي ميٹرو پوليٹن يونيورسٹي کے طلباء نے غيرملکي طلباء کو ملک سے نکال باہر کرنے پرمبني برطانوي ايميگريشن کے محکمے کے اقدام کے خلاف احتجاج کيا ہے-
لندن کي ميٹرو پوليٹن يونيورسٹي کے سيکڑوں طلبا نے برطانيہ کے محکمہ ايمگيريشن کي عمارت کے باہر اجتماع کيا –
خبروں کے مطابق لندن کي ميٹرو پوليٹن يونيورسٹي کو اب يورپي يونين کے ممبر ملکوں کے علاوہ کسي بھي دوسرے ملک کے طلباء کو اپنے يہاں داخلہ دينے کي اجازت نہيں ہے- کہا جارہا ہے کہ اس يونيورسٹي کے طلبا کو ساٹھ دن کي مہلت دي گئي ہے کہ وہ کوئي نيا تعليمي ادارہ اپنے لئے تلاش کرليں تاکہ وہ اس کے ذريعے اسٹوڈنٹ ويزے پر اپني تعليم برطانيہ ميں رہ کر جاري رکھ سکيں –
برطانيہ کے محکمہ ايميگريشن کے حکام کا کہنا ہے کہ ميٹرو پوليٹن يونيورسٹي ان خطرات کو دور کرنے کےلئے جن کي چھے ماہ قبل شناخت کي گئي تھي ابھي تک کوئي ضروري اقدام نہيں کيا ہے –
خبروں ميں کہا گيا ہے کہ ايک چوتھائي طلباء کي اچانک چھان بين کے دوران يہ پايا گيا کہ ان کے پاس برطانيہ ميں رہنے کا پرمٹ نہيں تھا اس کے بعد بھي وہ ميٹرو پوليٹن يونيورسٹي ميں تعليم حاصل کررہے تھے –
طلباء کي قومي يونين نے برطانوي وزيراعظم ڈيوڈ کيمرون اور وزير داخلہ ميتھيو سے رابطہ کرکے پچھلے ہفتوں کے دوران غيرملکي طلبا کے سلسلے ميں کئے گئے اس طرح کے فيصلے کے خلاف اپنے غم و غصے کا اظہار کيا ہے –
