بحريني اور سعودي حکومتوں کے خلاف لندن ميں مظاہرہ

برطانوي شہريوں نے بحرين اور سعودي عرب کي حکومتوں کي تشدد آميز پاليسيوں اور اقدامات کے خلاف لندن ميں احتجاجي مظاہرہ کيا ہے –
رطانوي شہريوں نے لندن ميں ايک مظاہرے ميں شرکت کرکے آل خليفہ اور آل سعود حکومتوں کي تشدد آميز پاليسيوں کي مذمت کي – مظاہرين نے لندن ميں بحرين کے سفارتخانے کے سامنے اجتماع کيا اور بحرين و سعودي عرب ميں قيد سياسي قيديوں کي حالت زار پر اپنے غم وغصے کا اظہار کيا – مظاہرين نے اسي طرح بحريني اور سعودي حکومتوں کي تشدد آميز پاليسيوں کے لئے برطانوي حکومت کي حمايت پر بھي احتجاج کيا – دوسري طرف بحرين کے انساني حقوق کے ايک سرگرم کارکن نے بھي کہا ہے کہ بحرين کے انقلابي عوام کے خلاف تشدد ، علاقے ميں امريکا اور برطانيہ کي پاليسيوں کے تحت ہي انجام پارہا ہے –
بحرين کے انساني حقوق کے سرگرم کارکن عباس العمران نے العالم سے اپني گفتگو ميں کہا کہ آل خليفہ حکومت کي جانب سے عوام پر تشدد کي بڑي وجہ يہ ہے کہ يہ حکومت بحريني عوام کو مغرب کي خواہشات کے سامنے گھٹنے ٹیکنے پر مجبور نہيں کرسکي ہے –
انہوں نے کہا کہ جنيوا ميں انساني حقوق کميشن کے اجلاس ميں بحريني حکومت کي مذمت ميں جاري ہونے والے بيان پر حکومت برطانيہ نے دستخط نہ کرکے يہ ثابت کرديا کہ وہ بحريني حکومت کي ظالمانہ پاليسيوں کي حمايت کرتي ہے –