شام میں سرکاری طور پر یوم شہداء منایا گیا!! بشار اسد کی شہداء کے اہل خانہ کے ساتھ ملاقات
بین الاقوامی نیوز ایجنسی صنعا کے مطابق شام میں سرکاری سطح پر یوم شہداء منایا گیا جس میں ملک کے جمہوری صدر بشار السد نے دہشت گردوں کے ہاتھوں شہید ہونے والے افراد کے اہل خانہ بالخصوص انکے بچوں کے ساتھ ملاقات کی، اس موقع پر سوریا کے صدر بشار السد کا کہنا تھا کہ ہم ہمیشہ اپنے شہداء پر فخر کرتے رہیں گے کیونکہ ان شہداء نے اپنی جانیں دے کر ہمارا اور اپنے وطن کا دفاع کیا، بشار السد نے شہداء کے بچوں اور بچیوں سے مخاطب ہوتے ہوا کہا کہ آپ سب کو اپنے والد پر فخر کرنا چاہیے کیونکہ آج انہیں کی بدولت ہمارے ملک اور شہریوں کی جانیں محفوظ ہیں، انہوں نے کہا اگر اس ملک کا ہر شخص آپ کی فیملی کی طرح ہوتا تو ہم بہت جلد ان دہشت گردوں پر قابو پالیتے ، بشار السد نے شہداء کی فیملی سے وعدہ کرتے ہوئے کہا کہ اگلے سال ہم یوم شہداء دہشت گردوں کی مکمل نیست و نابودی کے ساتھ منائیں گے،انکا کہنا تھا کہ اگر اللہ کی مرضی رہی تو اگلا یوم شہداء شام کے شہریوں کے قاتلوں کے مکمل خاتمہ کے ساتھ منایا جائے گا۔
