مصر میں قید الجزیرہ کے صحافیوں کے خلاف مقدمہ دائر کیا جائے گا

مصر کے حکام کا کہنا ہے کہ ایک دہشت گرد گروہ کی مدد کے الزام میں الجزیرہ خبر رساں ادارے کے لیے کام کرنے والے چار غیر ملکی صحافیوں پر مقدمہ چلایا جائے گا۔
ان میں آسٹریلیا کے شہری اور تمغہ یافتہ نامہ نگار، پیٹر گریستے تھی شامل ہیں۔ دوسرے صحافی برطانوی اور ڈینمارک کے شہری ہیں۔
مصر کے 16 سماجی کارکنوں اور مقالہ نگاروں پر بھی مقدمہ دائر کیا گیا ہے۔
ان پر ’اخوان المسلمون‘ سے تعلق کا الزام ہے۔ اخوان المسلمین سابق صدر محمد مرسی کا تختہ الٹےجانے کے خلاف شدید احتجاج کرتی رہی ہے۔
فوجی حمایت یافتہ مصر کی عبوری حکومت نے اخوان المسلمین کو ایک دہشت گرد تنظیم قرار دے دیا ہے۔
الجزیرہ کے صحافیوں کو گذشتہ ماہ قاہرہ سے گرفتار کیا گیا تھا۔
الجزیرہ کا کہنا ہے کہ دنیا کو معلوم ہے کہ صحافیوں کے خلاف یہ الزامات،’فضول، بے بنیاد اور غلط ہیں.