بحرینی حکومت غیر قانونی ہے : شیخ علی سلمان

شیخ علی سلمان نے آل خلیفہ حکومت کو غیر قانونی قراردیتے ہوئے کہا کہ اسی ایک خاندان نے ملک کے تمام مقدرات پر قبضہ کررکھا ہے اور ملت بحرین کو کنارے لگا دیا ہے۔ شیخ علی سلمان نے کہا کہ ملک کی سکیورٹی فورسز، عدالت اور ذرا‏‏ئع ابلاغ سب کچھ آل خلیفہ کے کنٹرول میں ہے اور آئين بھی اس طرح سے بنایا گيا ہے کہ جو صرف شاہی خاندان کے مفادات کا تحفظ کرے۔
انہوں نے تاکید کی کہ بحرین میں آبادی کے تناسب سے دنیا میں سب سے زیادہ سیاسی قیدی ہیں۔ انہوں نے کہا کہ آل خلیفہ کی تشدد آمیز پالیسیوں کے باوجود ملت بحرین اپنا انقلاب جاری رکھے گي۔ شیخ علی سلمان نے کہا کہ ملت بحرین کا انقلاب ہرطرح کی بیرونی مداخلت سے محفوظ ہے اور عوام، ملک میں فرقہ واریت اور قبائيلی سیاست سے دور مساوی حقوق کے قائل ہیں۔ جمعیت وفاق ملی نے عوام سے مظاہرے جاری رکھنے کی اپیل کی۔