آل خلیفہ کے گماشتوں کے ہاتھوں ۲۱ بحرینی جوان اغوا

بحرین کی ۱۴ فروری تحریک نے بتایا ہے کہ بحرینی حکومت کے سکیورٹی فورسز نے گزشتہ جمعرات سے اس ملک کے جوانوں اور بچوں کو اغوا کرنے کا نیا سلسلہ شروع کیا ہے اور ۱۵ جوانوں کو ’’عذاری‘‘ ٹاون میں ایک سویمنگ پول سے اغوا کر لیا تھا۔
آل خلیفہ کے گماشتوں نے اسی طرح عام باشندوں کے گھروں پر حملہ کر کے ہفتے کے دن مزید تین افراد کو اغوا کر لیا ہے۔
بحرینی ذرائع ابلاغ کے مطابق اغوا کئے گئے افراد میں ۱۰ بچے بھی شامل ہیں۔
مزید اطلاعات کے مطابق اغوا کئے گئے بچوں کی عمریں ۱۴ سے ۱۷ سال کے درمیان ہیں ۔
بحرین کی بہت ساری سیاسی اور مذہبی شخصیتوں نے آل خلیفہ حکومت کے اس اقدام کی مذمت کی ہے۔
واضح رہے کہ اغوا کئے گئے افراد کے ٹھکانوں کی ابھی تک کوئی اطلاع نہیں ہے جبکہ پولیس کے ادارے بھی ان کے بارے میں بے خبر ہونے کا دعوی کر رہے ہیں۔