بحرین، سوچے سمجھے منصوبے کے تحت مساجد کا انہدام

منذر الخور نے العالم ٹی وی چینل کو انٹرویو کے دوران آل خلیفہ کی حکومت کی جانب سے مساجد کے انہدام کے خلاف ملت بحرین کے مظاہروں کی جانب اشارہ کرتے ہوئے کہاکہ بحرین میں جن مساجد کو منہدم کیا جارہا ہے ان میں سے زیادہ کا تعلق اہل تشیع کے ساتھ ہے۔ اور آل خلیفہ کی شاہی حکومت ایک سوچے سمجھے منصوبے کے تحت ملک میں عوامی تحریک کو دبانے کے مقصد سے ان مساجد کو منہدم کررہی ہے۔
انھوں نے بحرین میں مساجد کے انہدام کو آل خلیفہ کی شاہی حکومت کے دین مخالف اقدامات کا حصہ قرار دیا اور کہا کہ بحرین کی حکومت کی جانب سے شہریوں کے خلاف انجام دیۓ جانے والے اقدامات اس ملک کے انقلابی عوام کو اپنے مقاصد تک رسائي کے سدراہ نہیں ہوسکتے ہیں۔