بحرین میں آل خلیفہ حکومت کے خلاف پر امن عوامی تحریک بدستور جاری ہے۔

طلاعات کے مطابق بحرین میں آل خلیفہ حکومت کے خلاف پر امن عوامی تحریک بدستور جاری ہے اور حکومت مخالف مظاہروں میں شدت سے پتہ چلتا ہے کہ ملک میں جاری عوامی تحریک کر روکنے میں آل خلیفہ حکومت کی کوششیں ناکام ہیں۔دریں اثنا بحرین کی نیشنل ڈیموکریٹک پارٹی کے جنرل سیکریٹری فاضل عباس نے آل خلیفہ حکومت کی تشدد آمیز پالیسیوں کی طرف اشارہ کرتے ہوئے کہا ہے کہ عوامی ریلی کو روکنے کا فیصلہ در حقیقت اہم مذہبی شخصیات اور مظاہرین کے خلاف وسیع منصوبے پر عمل درآمد کا پیش خیمہ ہے۔ان کا کہنا تھا کہ ممتاز بحرینی عالم دین شیخ عیسی قاسم پر آل خلیفہ کے اسی منصوبے کے تحت حملہ کیا گيا ہے۔فاضل عباس نے آل خلیفہ حکومت پر لوگوں کے منصوبہ بند قتل عام کا الزام  لگایا اور کہا کہ سرکاری اہلکاروں کے تشدد آمیز اقدامات کے باوجود عوام کے پرامن مظاہرے جاری رہنے سے حکومت بحرین پر وحشت طاری ہوگئي ہے۔