آل خلیفہ اپنی آبرو بچانے میں ناکام

بحرین کے ایک انقلابی رہنما محمد آل ربیع نے کہا ہے کہ جینوا میں اقوام متحدہ کی انسانی حقوق کونسل میں آل خلیفہ اپنی آبرو بچانے میں ناکام رہی ہے۔
بہار آزادی بحرین نامی تنظیم کے رکن محمود آل ربیع نے العالم سے گفتگو میں کہا ہےکہ آل خلیفہ جینوا میں انسانی حقوق کونسل کے اجلاس میں اپنی ساکھ بچانے میں ناکام رہی ہے اور اس تنظیم کے رکن ملکوں نے آل خلیفہ کی جانب سے تشدد روکنے اور اصلاحات انجام دینے پرتاکید کی ہے۔ انہوں نے کہا کہ آل خلیفہ انسانی حقوق کونسل کو غلط معلومات فراہم کرتی ہے اور اس نے میڈیا کے توسط سے رائے عامہ کو گمراہ کرنے کی پالیسی اپنا رکھی ہے۔ قابل ذکر ہے اگرچہ آل خلیفہ نے جینوا نشست میں ملک کے بحران کو حکومت مخالف دھڑوں اور حکومت کی کشمکش قراردینے کی کوشش کی لیکن اسے ملک میں انسانی حقوق کی پامالی کا اعتراف کرتے ہوئے انسانی حقوق کی صورتحال کو بہتر بنانے کے لئے اس کونسل کی سفارشات کو تسلیم کرنا پڑا۔ ملت بحرین اپنے پامال شدہ حقوق کی بازیابی اور آل خلیفہ کی جاہلانہ امتیازی پالیسیوں کےخلاف احتجاج کررہی ہے۔ آل خلیفہ ہمیشہ ملت بحرین کے حق میں ہرطرح کے بنیادی انسانی حقوق جیسے ملازمت کا حق، آزادی مذہب، بغیر مقدمے کی سزا اور گرفتاری نیز بنیادی شہری حقوق کو پامال کرتی آئي ہے۔