مریم خواجہ: آل خلیفہ کے حکام پر مقدمہ چلائےجانے کا مطالبہ

مریم خواجہ نے برطانوی ٹی وی انٹرنیشنل بزنس ٹائمز سے انٹرویو میں کہا ہے کہ آل خلیفہ کے ڈکٹیٹر، وزیر اعظم، اور ولی عھد پر انسانیت سوز جرائم کے تحت عالمی معیارات کے مطابق مقدمہ چلایاجائے اور اگر بحرین کی عدالت یہ کام نہیں کرسکتی تو عالمی عدالت کو یہ ذمہ داری سونپی جائے۔ 

مریم خواجہ نے کہا کہ ملت بحرین انسانی حقوق کی اساس پر اپنے ملک میں بنیادی تبدیلیاں چاہتی ہے بنابریں کسی بھی طرح کی تبدیلی یا انقلابی دھڑوں سے گفتگو سے پہلے آل خلیفہ کی تشدد آمیز کاروائياں بند ہونی چاہیں۔
یاد رہے ملت بحرین اپنے پامال شدہ حقوق کی بازیابی اور آل خلیفہ کی جاہلانہ امتیازی پالیسیوں کےخلاف احتجاج کررہی ہے۔ آل خلیفہ کی شاہی حکومت سعودی جارح فوجیوں کی مدد سے نہتے بحرینی عوام کو کچل رہی ہے۔