شیخ عیسی قاسم: شیخ علی سلمان پرحملے کی مذمت

بحرین میں علماء کونسل کے سربراہ آیت اللہ شیخ عیسی قاسم نے جمعیت وفاق کے سیکریٹری جنرل پر حملے کی مذمت کی ہے۔
شیخ عیسی قاسم نے ایک بیان میں جمعیت وفاق کے سیکریٹری شیخ علی سلمان پرحملے کی مذمت کرتےہوئے کہا ہے کہ آل خلیفہ اس مذہبی رہنما پر حملہ کرکے علماء کی پوزیشن کمزور بنانے کی کوشش کررہی ہے۔ انہوں نے کہاکہ وہ سب لوگ جو ملک میں امن و استحکام کے خواہاں ہیں شیخ علی سلمان پر حملے کی مذمت کرتے ہیں۔

شیخ عیسی قاسم نے شیخ علی سلمان کو ایک قومی اور ہردلعزیز شخصیت قراردیتےہوئے کہا کہ علماء اور عوام ان کا بڑا احترام کرتےہیں۔ انہوں نے کہا کہ آل خلیفہ علماء کو اپنے لئے سے بڑا خطرہ سمجھتی ہے اور رکاوٹیں اور پابندیاں لگا کر علماء کو محدود کرنا چاہتی ہے۔ ملت بحرین نے گذشتہ روز پرامن مظاہرے کئے تھے جن میں آل خلیفہ کی سرنگونی پر تاکید کی۔ مظاہرین پر سعودی عرب کے جارح فوجی اور آل خلیفہ کے کارندوں نے حملے کئے جن میں شیخ علی سلمان بھی زخمی ہوگئے۔ واضح رہے کہ ملت بحرین اپنے پامال شدہ حقوق کی بازیابی اور آل خلیفہ کے امتیازی پالیسیوں کے خلاف احتجاج کررہی ہے.