مشرق وسطی
بحرین میں مساجد اور مذہبی مقامات کی بے حرمتی بند کی جائے، آیت اللہ عیسی قاسم
![shiite news sheikh Issa qasim](images/shiite_news_sheikh_Issa_qasim.jpg)
یاد رہے رواں سال فروری کے مہینے سے بحرین میں بڑے پیمانے پر عوامی احتجاج اور مظاہرے جاری ہیں۔ بحرینی عوام ملک میں جمہوری نظام کے خواہاں ہیں۔ آل خلیفہ کا خاندان گذشتہ 40 سال سے بحرین میں برسراقتدار ہے۔
بحرینی، سعودی اور متحدہ عرب امارات کی سیکورٹی فورسز نے بحرین میں انقلابی تحریک شروع ہونے سے لے کر اب تک تقریباً 52 مساجد اور 500 مذہبی مقامات کو شہید کر دیا ہے۔
سعودی عرب اور متحدہ عرب امارات نے مارچ کے وسط میں بحرین پر قابض آل خلیفہ خاندان کی حمایت میں ہزاروں کی تعداد میں اپنی سیکورٹی فورسز روانہ کر دیں جو اب تک عام شہریوں کے خلاف طاقت کا کھلا استعمال کرنے میں مصروف ہیں۔
سیکورٹی فورسز نے 18 مارچ کو لوءلوء اسکوائر، جو بحرینی دارالحکومت میں حکومت مخالف مظاہروں کا مرکز بن چکا تھا، کو مسمار کر دیا۔
حکومت مخالف مظاہروں کے شروع ہونے سے اب تک سیکورٹی فورسز کے ہاتھوں دسیوں عام شہری جاں اور ہزاروں زخمی ہو چکے ہیں۔ بحرین میں امریکی نیوی کے پانچویں بحری بیڑے کا اڈہ بھی موجود ہے۔