عراق میں 50 دہشت گرد ہلاک،عوام عسکریت پسندوں کیخلاف اٹھ کھڑے ہوں

عراقی وزیراعظم نوری المالکی نے صوبہ انبار کے قبائلیوں اور مکینوں پر زور دیا ہے وہ عسکریت پسندوں کیخلاف اٹھ کھڑے ہوں۔ ادھر وزارت دفاع کے ترجمان نے کہا انبار میں بمباری سے 50 دہشت گرد مارے گئے، ان میں عرب ممالک کی شہریت رکھنے والے بھی شامل ہیں۔ فلوجہ کے قریب گورنر کا مشیر اغوا ہو گیا۔ شادی کی تقریب میں فائرنگ سے 2 پولیس اہلکار مارے گئے۔