عراق کے وزیر اعظم نوری مالکی نے کہا ہے کہ ان کے ملک کو امریکی فوج کی ضرورت نہيں ہے
نوری مالکی نے امریکی روزنامہ وال اسٹریٹ سے اپنے ایک انٹرویو میں کہا کہ دوہزار گیارہ کے بعد عراق میں امریکی فوج نہيں رہے گی انھوں نے کہا کہ بغداد و واشنگٹن کے مابین فوجی انخلاء سے متعلق سمجھوتہ اپنی جگہ باقی ہے اور اس سمجھوتے کی بنیاد پر عراق سے امریکہ کے ایک ایک فوجی
کو نکلنا ہوگا ۔ امریکہ اور عراق کے درمیان ہونے والے سمجھوتے کے مطابق جو سن دوہزارآٹھ میں ہوا تھا واشنگٹن سن دوہزار گیارہ تک اپنے تمام فوجیوں کو عراق سے نکال لینے کا پابند ہے ۔ عراقی وزیر اعظم نے اسی طرح ایک بار پھر اپنا یہ موقف دوہرایا کہ عراق کی حکومت اور سیکورٹی فورسز ملک میں ہرطرح کے خطرات کا مقابلہ کرنے اور ملک کی ارضي سالمیت و اقتدار اعلی کا تحفظ کرنے کی توانائی رکھتی ہیں
