ایرانی انٹیلیجنس نے دہشت گرد گروہ کے 3 افراد کو حراست میں لے لیا ہے

اسلامی جمہوریہ ایران کی وزارت انٹیلیجنس نے ایک بیان میں کہا ہے کہ امام زمانہ (عج) کے گمنام سپاہیوں نے مہاباد میں کوملہ دہشت گرد گروہ سے وابستہ 3 دہشت گردوں کو گرفتار کرلیا ہے، بیان میں کہا گیا ہے کہ یہ تینوں افراد 31 شہریور 1389 ہجری شمسی میں مسلح افواج کی پریڈ کے دوران ہونے والے بم دھماکے میں ملوث تھے اس دھماکے میں عورتوں اور بچوں سمیت 12 افراد شہید اور 40 زخمی ہوگئے تھے ، انٹیلیجنس نے بیان میں کہا ہے کہ دہشت گردوں نے اس ہولناک بم دھماکے میں ملوث ہونے کا اعتراف اور اقرار کرلیا ہے بیان کے مطابق غیر ملکی تخریبکار عناصر ان دہشت گردوں کی پشتپناہی کررہے تھے۔