ایران کی پیٹروکیمیکل پیداوار کی برآمدات میں اضافہ

ایران پیٹروکیمیکل ایمپلائرس ایسوسی ایشن کے سکریٹری احمد مہدوی نے کہا ہے کہ عالمی منڈیوں میں ایرانی پیٹروکیمیکل مصنوعات کی برآمدات میں اضافہ ہوا ہے۔ احمد مہدوی نے دو ہزار چودہ میں پیٹروکیمیکل صنعت کی جانب اشارہ کرتے ہوئے کہا کہ ہمیں توقع ہے کہ رواں سال میں چودہ ارب ڈالر کی مصنوعات کی برآمدات ہوگی اور پابندیاں اٹھنے کے بعد اس میں یورپ اور امریکہ کی منڈیوں کا بھی اضافہ ہوجائےگا۔ ایران پیٹروکیمیکل ایمپلائرس ایسوسی ایشن کے سربراہ نے کہا کہ ایران نے گذشتہ برس دس ارب بہتّر کروڑ تیس لاکھ ڈالرکی پیٹروکیمیکل پیداوار کی برآمدات کی۔ احمد مہدوی کے بقول، ایران سالانہ ایک کروڑ ٹن پیٹروکیمیکل مصنوعات تیارکرتا ہے۔