پاکستان میں ہونیوالے تمام سانحات میں یورپ کے عوام کی ہمدردیاں مظلوم شیعیان پاکستان کیساتھ ہیں، علامہ سید علی رضوی

مجلس علمائے شیعہ یورپ کے صدر علامہ سید علی رضا رضوی نے شیعہ علماء کونسل قم المقدسہ کے دفتر کے دورے کے موقع پر گفتگو کرتے ہوئے کہا کہ یورپ کے اندر صہیونت کی طرف سے اسلام فوبیا پر زیادہ کام ہو رہا ہے اور یہ ایام انقلاب اسلامی کی کامیابی کے بھی ہیں تو انقلاب اسلامی کی کامیابی کے بعد اس اسلام فوبیائی پر زیادہ شدت آئی ہے لیکن اس کے باوجود انقلاب اسلام کی کامیابی کی برکت سے اسلام بالخصوص تشیع کی طرف بھی رجحان بڑھا ہے، جس طرح محرم کے ایام میں ہمارے پاکستان میں بے دین انسان بھی گناہ ترک کر دیتا ہے، اسی طرح یورپ میں بھی ہے، اہل تشیع کے علاوہ یورپی لوگ بھی محرم کو خاص عقیدت کی نگاہ سے دیکھتے ہیں اور یورپی یہ احساس کرتے ہیں جیسے خود امام حسین علیہ السلام آگئے ہوں، اس سلسلے میں صرف لندن شہر میں کئی عشرے منعقد کئے جاتے ہیں۔
ایام محرم، صفر اور ماہ مبارک رمضان میں خاص اہتمتام کیا جاتا ہے، ان ایام میں علمائے پاکستان اور مجلس علمائے یورپ کا اہم کردار ہے، جہاں مجلس علماء یورپ تبلیغی امور میں فعال ہیں وہاں اجتماعی امور، مومنین کی فلاح و بہبود میں بھی اپنے فرائض انجام دے ر ہے ہیں، مجلس علمائے شیعہ یورپ کے صدر علامہ سیدعلی رضا رضوی نے کہا کہ مجلس علما یورپ کے اراکین اور عوام و خواص بین الاقوامی امور بالاخص پاکستان کے سیاسی اجتماعی امور سے غافل نہیں ہیں، تمام تر سوانحات میں عوام کی بے پناہ ہمدردیاں شیعیان مظلوم پاکستان کے ساتھ رہی ہیں جب ہدف نیک ہو تو لوگ تعاون کرتے ہیں۔