مغرب ملت ایران کے حقوق کوتسلیم کرے، احمدی نژاد
05 دسمبر, 2010 14:37
اسلامی جمہوریہ ایران کے صدر ڈاکٹر محمود احمدی نژاد نے مغرب سے کہا ہے کہ وہ ملت ایران کے حقوق کو تسلیم کرے اور مذاکرات میں انصاف اور احترام کا خیال رکھے۔صدر مملکت ڈاکٹر احمدی نژاد نے مغربی ملکوں کے سربراہوں کو مخاطب کرتے ہوئے کہا کہ تہران اعلامیہ نئے تعاون کے آغاز کے لیے ایک اچھی بنیاد ہے لیکن اگر مذاکرات بداخلاقی سے انجام پائے اور انہوں نے دھوکہ دینا اور زور و زبردستی کرنی چاہی تو وہ جان لیں کہ انہیں منہ توڑ جواب دیا جائے گا۔
واضح رہے کہ ایران اور مغرب کے مذاکرات پیر اور منگل کے روز جنیوا میں انجام پائیں گے۔
