ایران: شمال مغربی علاقے میں بم دھماکہ،9 شہید، متعدد ذخمی

ایران کے مغربی صوبہ آذربائیجان کے شہر موحاباد میں ایک دہشت گردانہ کاروائی (بم دھماکے)کے نتیجہ میں نو افراد شہید اور متعدد ذخمی ہو گئے ہیں۔شیعت نیوز کی ابتدائی معلومات کے مطابق دھماکے میں نو افراد شہید جبکہ 20سے زائد ذخمی ہیں۔صوبے کے گورنر جنرل واحد جلال زادے نے میڈیا سے گفتگو کرتے ہوئے اس بات کی تصدیق کی ہے کہ دھماکے میں نو افراد شہید ہو چکے ہیں جبکہ ذخمیوں کی تعداد بیس سے زائد ہے جن میں زیادہ  تر تعداد بچوں اور خواتین کی ہے۔

جلالا زادے کے مطابق دھماکہ اس وقت ہوا جب ایرانی عوام ہفتہ دفاع مقدس کے سلسلہ میں آٹھ سالہ ایران عراق جنگ کی کامیابی کی یاد میں منعقد کی جانے والی ایک فوجی پریڈ کو دیکھنے کے لئے جمع تھے،واضح رہے کہ 1980ء تا 1988تک ایران نے عراق کی جانب سے کی گئی جارحیت کا بڑی شانداری اور دلیری سے دفاع کیا تھا اور عراقی فورسز کو شکست سے دوچار کر دیا تھا۔

جلال زادے کاکہنا تھاکہ اس طرح کی سفاککاروائیوں میں انقلاب اسلامی کے دشمن امریکی اور صہیونی ایجنٹ ہیں جو ملت ایران کے جذبوں کو ختم نہیں کر سکتے ،دوسری جانب آذربائیجان کے گورنر جنرل کے مینیجنگ ڈائرکٹر کاکہنا ہے کہ اب تک گیارہ افراد جن میں دس خواتین اور ایک بچہ شامل ہے شہید ہو چکے ہیں جبکہ پچاس سے زائد افراد کے ذخمی ہونے کی اطلاعات مل رہی ہیں،ان کاکہنا تھا کہ ابتدائی تحقیقات کا عمل شروع کر دیا گیا ہے تاہم ابھی تک کوئی گرفتاری عمل میں نہیں آئی تاہم کسی بھی دہشت گرد گروپ نے اس حادثہ کی ذمہ داری قبول نہیں کی۔