شہید رہبر کا جنازہ تاریخ کی سب سے بڑی آخری رسومات، 4 کروڑ شرکاء کے باوجود کوئی اموات نہیں

شیعیت نیوز : ایران کے شہید رہبر اعلیٰ آیت اللہ سید علی خامنہ ایؒ کی تدفین کمیٹی کے سیکریٹری اکبر پورجمشیدیان نے کہا ہے کہ ایران کے شہید رہنما کا جنازہ تاریخ میں اپنی مثال آپ تھا۔

شدید گرمی کے باوجود ہم نے ایران اور عراق میں انسانی تاریخ کی سب سے بڑی آخری رسومات دیکھیں، جہاں لوگوں کی جان کو خطرہ پہنچانے والا ایک بھی واقعہ پیش نہیں آیا۔

گرمی کے باوجود، خاص طور پر عراق میں جہاں درجۂ حرارت 50 ڈگری سینٹی گریڈ سے زیادہ تھا، اور لاکھوں لوگوں کی شرکت کے باوجود، ایک بھی موت ریکارڈ نہیں ہوئی۔ یہ ہنگامی امداد، ریسکیو آپریشنز اور صحتِ عامہ کے مؤثر انتظامات کا نتیجہ تھا۔

یہ بھی پڑھیں : آپ کی قیادت شہداء کے راستے کا تسلسل ہے: ہم آپ کے ساتھ ہیں، شیخ نعیم قاسم کا حماس کے نئے لیڈر کو پیغام

ایمرجنسی پوسٹس، طبی مراکز اور فیلڈ اسپتال پہلے سے ہی منصوبہ بندی کے ساتھ قائم کیے گئے تھے۔ جہاں بھی لوگوں کا ہجوم تھا، اگر کسی کو کوئی مسئلہ پیش آتا تو صرف 10 سے 20 میٹر کے فاصلے پر ایمرجنسی عملہ مدد کے لیے موجود ہوتا۔

ان اجتماعات میں 4 کروڑ سے زیادہ لوگوں نے شرکت کی، پھر بھی نہ ایک بھی موت ریکارڈ ہوئی اور نہ ہی ایران یا عراق میں کوئی معمولی سا بھی سیکیورٹی واقعہ پیش آیا۔