وزیر داخلہ محسن نقوی کی تہران میں ایرانی صدر پزشکیان سے اہم ملاقات
WebDesk
17 مئی, 2026 16:16
شیعیت نیوز : پاکستانی وزیر داخلہ سید محسن نقوی نے تہران میں ایرانی صدر مسعود پزشکیان سے اہم ملاقات کی، جو تقریباً 90 منٹ تک جاری رہی، جبکہ مجموعی طور پر پاکستانی وفد نے قریب تین گھنٹے ایوان صدر میں گزارے۔ ملاقات میں ایرانی وزیر داخلہ اسکندر مؤمنی اور ایرانی وزیر خارجہ بھی شریک تھے، جہاں دوطرفہ تعلقات، علاقائی صورتحال اور ممکنہ امن مذاکرات سے متعلق تفصیلی بات چیت کی گئی۔
یہ بھی پڑھیں : ایرانی صدر پزشکیان کا پاکستان کی سفارتی کوششوں کی تعریف، امریکہ اور اسرائیل کی جارحیت کی شدید مذمت
دونوں ممالک کے درمیان اعلیٰ سطحی مذاکرات میں ایران اور پاکستان کے تعلقات، خطے میں پائیدار امن اور حالیہ علاقائی پیش رفت پر خصوصی توجہ دی گئی۔ ایرانی حکام نے خطے میں کشیدگی کم کرنے اور مذاکرات کے فروغ کے لیے پاکستان کی سفارتی کوششوں کو سراہا، جبکہ جنرل عاصم منیر کے کردار کو بھی مثبت قرار دیا گیا۔
