کراچی میں نوجوانوں کی پاک فوج کے حق میں ریلی: افغان احسان فراموش کے نعرے + ویڈیو

شیعیت نیوز : کراچی: افغان طالبان رجیم کی جانب سے پاکستانی سرحد پر بلااشتعال حملوں کے فوراً بعد پاکستانی فورسز نے افغان طالبان کے خلاف آپریشن غضب للحق کا آغاز کر دیا ہے۔ یہ آپریشن سرحدی علاقوں میں دہشت گردی کے خاتمے اور پاکستان کی سالمیت کے تحفظ کے لیے شروع کیا گیا ہے۔

کراچی کے نوجوانوں نے اس خبر کے فوراً بعد شہر کے مختلف علاقوں میں پاک افواج کے حق میں پرجوش ریلیاں نکالیں۔ ریلیوں میں شرکا نے "افغان احسان فراموش” کے نعرے لگائے اور پاکستان افواج کے ساتھ مکمل یکجہتی کا اعلان کیا۔ نوجوانوں نے واضح کیا کہ وہ وطن کے دفاع میں ہر قسم کی قربانی دینے کے لیے تیار ہیں اور کسی بھی بیرونی جارحیت کے سامنے ڈٹ کر مقابلہ کریں گے۔

یہ بھی پڑھیں : افغان طالبان کے اہم رکن عبدالحمید خراسانی کا دھمکی آمیز بیان: خودکش بمباروں کا گروہ تیار، پاکستان کے اندر بھی موجود

ادھر پاکستان تحریک انصاف کے چیئرمین بیرسٹر گوہر نے بھی سخت بیان دیتے ہوئے کہا ہے کہ اللہ پاکستان کو ہمیشہ محفوظ رکھے۔ انہوں نے کہا کہ پاکستان کے خلاف افغانستان کی اشتعال انگیزی کا بھرپور جواب دیا جائے گا۔ بیرسٹر گوہر نے مزید کہا کہ پاکستان کو درپیش خطرات کا مقابلہ کرنے سے ہرگز دریغ نہیں کریں گے اور ہر دشمن کو انجام تک پہنچائیں گے۔

یہ بیانات اور ریلیاں اس بات کی عکاسی کرتی ہیں کہ پوری قوم سرحدی سلامتی اور دفاعی اداروں کے ساتھ مکمل طور پر متحد ہے اور کسی بھی بیرونی مداخلت یا جارحیت کے خلاف ڈٹ کر کھڑی ہے۔