دشمن کو صرف سامنے نہیں بلکہ اس کے تھنک ٹینک اور اصل منصوبہ ساز مرکز میں دیکھیں، حضرت آیت اللہ العظمیٰ جوادی آملی

شیعیت نیوز: ایرانی قومی پولیس فورس (فراجا) کے کمانڈر بریگیڈیئر جنرل سردار احمد رضا رادان نے حضرت آیت اللہ العظمیٰ جوادی آملی کی رہائش گاہ پر حاضری دی اور ان سے ملاقات کی۔

حضرت آیت اللہ العظمیٰ جوادی آملی نے ملاقات کے دوران شہداء کی بلندی درجات کی دعا کی اور قومی سلامتی کے تحفظ میں پولیس فورسز اور انتظامیہ کی کوششوں کی قدر افزائی کی۔ انہوں نے دشمنوں کے مقابلے میں «بصیرت» کی انتہائی اہمیت پر زور دیتے ہوئے فرمایا:

امیرالمؤمنین امام علی علیہ السلام ایک جنگ کے موقع پر فرماتے ہیں: «ارمِ ببصرک أقصی القوم» یعنی صرف اس دشمن کو نہ دیکھو جو تمہارے سامنے کھڑا ہے بلکہ اپنی نگاہ دشمن کے انتہائی مرکز پر رکھو؛ یہ دیکھو کہ دشمن کا تھنک ٹینک کہاں ہے۔ پس ہمیں یہ سمجھنا ہوگا کہ دشمنوں کی منصوبہ سازیاں کہاں اور کس طرح کی جاتی ہیں۔ ہمیں میدان سے آگے بڑھ کر عمل کرنا ہو گا اور دشمن کے اصل وار روم کو دیکھنا ہو گا۔

یہ بھی پڑھیں: پشین میں سی ٹی ڈی کی بڑی کارروائی: کالعدم سپاہ صحابہ کے 10 دہشت گرد ہلاک

انہوں نے ملت ایران کی بصیرت اور شعور کو سراہتے ہوئے فرمایا: ملت ایران ایک عظیم ملت ہے۔ ایران ایک عمیق جڑوں والا، اصیل اور باوقار ملک ہے۔ امریکہ جیسے ملک کے برعکس ایران علم، ہنر، ثقافت اور تہذیب سے بھرپور ہے۔

حضرت آیت اللہ جوادی آملی نے صہیونیت کی اسلام دشمنی کی طرف اشارہ کرتے ہوئے فرمایا: صہیونیت اسلام کا دشمن ہے اور قرآن کریم نے کسی قوم کی اس طرح مذمت نہیں کی جس طرح یہودیوں کی کی ہے: ﴿لَا تَزَالُ تَطَّلِعُ عَلَی خَائِنَةٍ مِنْهُمْ﴾۔ اگرچہ دیگر دشمن بھی موجود ہیں لیکن اسلام کے ساتھ دشمنی میں صہیونیت سرفہرست ہے اور دشمن شناسی میں ہمیشہ دقت اور ہوشیاری کو مدنظر رکھنا ضروری ہے۔

یہ ملاقات ایرانی قومی سلامتی، بصیرت اور دشمن شناسی کے موضوعات پر گہری گفتگو کا موقع فراہم کرتی ہے، خاص طور پر موجودہ علاقائی اور عالمی حالات میں جب دشمن کی سازشوں اور پروپیگنڈے کا مقابلہ کرنا ناگزیر ہے۔