12 روزہ جنگ پر مبنی ایران کی پہلی عبرانی زبان دستاویزی فلم “موشکها بر فراز بازان” کی ریلیز
12 نومبر, 2025 10:29
شیعیت نیوز: تسنیم نیوز نے ایران کی تاریخ کی پہلی عبرانی زبان میں تیار کردہ دستاویزی فلم "موشکها بر فراز بازان” (بازان کی فضاؤں میں میزائلوں کی پرواز) جاری کردی ہے۔
یہ فلم 12 روزہ جنگ کے دوران ایران اور اسرائیل کے درمیان پیش آنے والے ان واقعات پر مشتمل ہے جو اب تک منظرِ عام پر نہیں آئے تھے۔
یہ پہلا موقع ہے کہ کسی ایرانی میڈیا ادارے نے اسرائیلی عوام کو براہِ راست مخاطب کرتے ہوئے عبرانی زبان میں کوئی فلم تیار کی ہے۔
تسنیم نیوز کے مطابق، اس اقدام کا مقصد صہیونی حکومت کے پروپیگنڈے کے مقابلے میں ایرانی بیانیے کو عالمی سطح پر نئے انداز میں پیش کرنا ہے۔
دستاویزی فلم "موشکها بر فراز بازان” میں ایران اور اسرائیل کے درمیان توانائی کے بنیادی ڈھانچے، تیل و گیس کے نیٹ ورک، اور خفیہ عسکری کارروائیوں کو حقیقت پسندانہ انداز میں دکھایا گیا ہے۔
یہ بھی پڑھیں : دمشق میں فرقہ وارانہ کشیدگی میں اضافہ، مسجد امام کی جانب سے شیعوں کے خلاف اشتعال انگیز تقریر
فلم میں اعلیٰ سطحی عسکری فیصلہ سازی، انٹیلیجنس برتری اور ایرانی حکمتِ عملی کو تکنیکی و زمینی حقائق کی روشنی میں پیش کیا گیا ہے۔
ماہرین کے مطابق، یہ دستاویزی فلم اسرائیلی عوام کو براہِ راست حقیقت سے روشناس کرانے کی کوشش ہے — تاکہ وہ وہ پہلو دیکھ سکیں جو مغربی اور صہیونی میڈیا برسوں سے چھپاتا رہا ہے۔
تسنیم نیوز کے اس اقدام کو جرأت مندانہ اور بیانیاتی جنگ میں ایک نئی پیش رفت قرار دیا جا رہا ہے، جو ایران کے سفارتی و ابلاغی محاذ پر ایک اہم سنگِ میل ثابت ہو سکتی ہے۔
