چہلم امام حسینؑ: پاک فوج اور سول آرمڈ فورسز تعینات

شیعیت نیوز : وفاقی کابینہ کی منظوری کی روشنی میں چہلم کے موقع پر سیکیورٹی کے فرائض انجام دینے کے لیے پاک فوج اور سول آرمڈ فورسز کی تعیناتی کے احکام جاری کر دیے گئے ہیں۔

پاک فوج کی تعیناتی آئین کے آرٹیکل 245 کے تحت، جبکہ سول آرمڈ فورسز کی تعیناتی انسداد دہشت گردی ایکٹ 1997 کے تحت عمل میں لائی گئی ہے۔

وفاقی حکومت کو چاروں صوبوں، آزاد کشمیر اور گلگت بلتستان کی حکومتوں نے چہلم کی سیکیورٹی کے لیے باضابطہ درخواست دی تھی، جبکہ اسلام آباد کی ضلعی انتظامیہ نے بھی اس موقع پر سیکیورٹی کے لیے درخواست جمع کرائی تھی۔

یہ بھی پڑھیں : پنجاب میں عزاداروں کے خلاف کریک ڈاؤن، علامہ شبیر میثمی کا شدید ردعمل

ان فورسز کی تعیناتی چہلم کے دوران سیکیورٹی ڈیوٹیز کے لیے ہوگی، اور فوج و سول آرمڈ فورسز صوبائی حکومتوں اور ضلعی انتظامیہ کے ساتھ مل کر سیکیورٹی کے فرائض انجام دیں گی۔