اربعین عاشورا کی پاسبان ہے، حجت الاسلام والمسلمین سید علی اکبر

شیعیت نیوز: مسجد مقدس جمکران کے متولی حجت الاسلام والمسلمین سید علی اکبر اجاق نژاد نے عمود 1090 پر موکب مسجد مقدس جمکران کے خادمین سے خطاب کرتے ہوئے کہا کہ ہر عارف اور اہلِ معرفت اگر کوئی یادگار چھوڑے تو وہ اس کی کرامت کا نمونہ ہوتی ہے۔

انہوں نے مزید کہا کہ انقلاب اسلامی، امام خمینی رحمۃ اللہ علیہ کی کرامت ہے اور مراسمِ اربعین کی تقریبات کی رونق، حضرت آیت اللہ العظمیٰ امام خامنہ ای کی حکیمانہ تدابیر اور کرامت کا جلوہ ہے۔

یہ بھی پڑھیں: ایسا جامع عمل جس سے زیارت میں سب کی نیابت کی جا سکے

حجت الاسلام اجاق نژاد نے کہا کہ جو بھی آزاد سوچتا ہے اور حق کے راستے پر قدم رکھتا ہے، وہ اربعین کی عالمی تحریک میں شریک ہوتا ہے اور جو دین، انقلاب اور مقاومت کا مخالف ہے وہ اربعین کا بھی مخالف ہے۔

مسجد مقدس جمکران کے متولی نے کہا کہ اربعین، ثقافتِ مقاومت کی محافظ اور عاشورا کی پاسبان ہے۔

انہوں نے مزید کہا کہ انتظار، عاشورا کا تسلسل ہے اور اس سے جدا نہیں، اور مسجد مقدس جمکران کی ذمہ داری ہے کہ اس راہ کو جاری رکھے۔