پاکستان اور ایران کو ملانے والی فیری سروس کے لیے نجی کمپنی کو لائسنس حاصل

شیعیت نیوز : ایک نجی کمپنی نے پاکستان اور ایران کو ملانے والی فیری سروس چلانے (بحری سفر) کے لیے کامیابی کے ساتھ لائسنس حاصل کر لیا ہے، جو سات سال کے طویل منظوری کے عمل کے بعد حاصل کیا گیا۔ لائسنس منظوری کا سفر چیلنجنگ تھا، جس میں متعدد ریگولیٹری رکاوٹیں اور مذاکرات شامل تھے۔ سی ای او محمد عمر نے اعلان کیا کہ فیری سروس کا ابتدائی مرحلہ پاکستان اور ایران کے درمیان قابل اعتماد اور موثر روٹ کے قیام پر توجہ مرکوز کرے گا، جس کا مقصد سیاحت سمیت علاقائی روابط اور اقتصادی تعاون کو فروغ دینا ہے۔

کمپنی کے سی ای او محمد عمر نے مزید بتایا کہ کمپنی کے پاس فیری نیٹ ورک کو مزید وسعت دینے کا ارادہ ہے، جس کا مقصد خطے کے دیگر قریبی ممالک جیسے سعودی عرب، عمان، عراق، اور متحدہ عرب امارات کے راستوں تک فیری سروس کے پھیلاؤ کا منصوبہ شامل ہے، اس طرح خطے میں تجارت اور سیاحت کو بڑھانے میں مدد ملے گی۔

یہ بھی پڑھیں : علامہ امین شہیدی کی جانب سے مجلس وحدت مسلمین کی کاوشوں کی تعریف

وفاقی وزیر جنید انور چوہدری نے اس ترقی کی اہمیت پر زور دیتے ہوئے کہا کہ فیری سروس نہ صرف سامان اور لوگوں کی آسانی سے نقل و حرکت میں سہولت فراہم کرے گی بلکہ ان ممالک کے درمیان سفارتی تعلقات کو بھی مضبوط کرے گی، جس سے علاقائی یکجہتی اور خوشحالی کو فروغ ملے گا۔