اسلامک بینکنگ کے فروغ کے لیے جامعتہ الکوثر میں خصوصی کانفرنس کا انعقاد

شیعیت نیوز : چیئرمین الصادق انسٹیٹیوٹ آف اسلامک بینکنگ، فائننس اینڈ تکافل پاکستان، ممبر شرعیہ ایڈوائزری کمیٹی اسٹیٹ بینک آف پاکستان و سیکرٹری جنرل شیعہ علماء کونسل پاکستان، علامہ ڈاکٹر شبیر حسن میثمی نے جامعۃ الکوثر اسلام آباد میں اسلامک بینکنگ سسٹم پر الصادق انسٹیٹیوٹ کی جانب سے منعقدہ کانفرنس میں خصوصی شرکت کی۔

پاکستان کے تمام دینی مدارس میں اسلامک بینکنگ سسٹم کے فروغ کے لیے مسلسل پروگرامات کا انعقاد جاری ہے۔ اس ضمن میں جامعۃ الکوثر اسلام آباد میں بھی ایک اہم نشست کا اہتمام جامعہ کی جانب سے کیا گیا، جس میں چیئرمین صاحب کے علاوہ حجۃ الاسلام والمسلمین علامہ شیخ انور علی نجفی، سیکرٹری اطلاعات شیعہ علماء کونسل پاکستان محترم زاہد علی آخونزادہ، کوآرڈینیٹر الصادق انسٹیٹیوٹ مولانا مظہر عباس زیدی اور دیگر معزز اراکین شریک تھے۔

یہ بھی پڑھیں : ایم ڈبلیو ایم گلگت بلتستان کے وفد کی آغا سید راحت حسین الحسینی سے ملاقات

اسلامک بینکنگ سے وابستہ اہم شخصیات نے شرکت کرنے والے طلباء سے مفصل خطاب کیا اور اسلامک بینکنگ و فائننس سسٹم کی تفصیلی بریفنگ دی۔ اس موقع پر جامعہ کے اساتذہ اور طلباء کرام کی بڑی تعداد موجود تھی۔ آخر میں شریک معزز مہمانوں میں انعامات بھی تقسیم کیے گئے۔