ماؤں، بہنوں اور بیٹیوں کو پابند سلاسل کرنا ناقابل قبول ہے، علامہ مقصود ڈومکی

شیعیت نیوز : مجلس وحدت مسلمین کے مرکزی رہنماء علامہ مقصود علی ڈومکی نے کہا ہے کہ ظالم ہمیشہ بزدل ہوتے ہیں۔

جس طرح فرعون اور یزید بزدل تھے۔

ڈاکٹر ماہ رنگ بلوچ، سمی دین بلوچ اور دیگر خواتین کو بغیر کسی مقدمے کے صرف ایم پی او کے تحت قید میں رکھا گیا ہے۔

ہم اس ظلم کو قبول نہیں کرتے کہ تم ماؤں، بہنوں اور بیٹیوں کو پابند سلاسل کر دو۔

ان خیالات کا اظہار انہوں نے بلوچستان نیشنل پارٹی کے زیر اہتمام شاہوانی اسٹیڈیم کوئٹہ میں منعقدہ عظیم الشان جلسہ عام سے خطاب کرتے ہوئے کیا۔

جس میں عوام کی بڑی تعداد نے شرکت کی۔

ظلم کے خلاف بولنا اور ظالم کی مخالفت کرنا ایک عظیم عبادت ہے۔

پیغمبر اسلام حضرت محمد مصطفیٰﷺ کا ارشاد ہے کہ جس معاشرے میں ظالم کو ظالم کہنا جرم بن جائے، اس معاشرے کا اللہ ہی حافظ ہوتا ہے۔

ظالم ہمیشہ بزدل ہوتے ہیں جس طرح فرعون اور یزید بزدل تھے۔

یہ بھی پڑھیں : علامہ ساجد علی نقوی اور ایم پی اے علی ہادی کی پاراچنار میں ادویات کی فراہمی

فرعون شیرخوار بچوں سے ڈرتا تھا۔

اس لئے اس نے ہزاروں نومولود بچوں کو ذبح کیا۔

یزید آل رسول (ص) کی نہتی اسیر مستورات خصوصاً نواسی رسول (ص) حضرت زینب کبریٰ (س) سے ڈرتا تھا۔

ظالم حق کی آواز اور نہتی خواتین سے ڈرتے ہیں۔

آج بھی ظالم حکمران مظلوم بلوچ خواتین کی آواز سے خوفزدہ ہیں۔ ڈاکٹر ماہ رنگ بلوچ، سمی دین بلوچ اور دیگر خواتین کو بغیر کسی مقدمے کے صرف ایم پی او کے تحت قید میں رکھا گیا ہے۔

ہم اس ظلم کو قبول نہیں کرتے کہ تم ماؤں، بہنوں اور بیٹیوں کو پابند سلاسل کر دو۔

جب کوئی شخص اپنی قوم کے لیے آواز بلند نہ کر سکے، تو اسے اقتدار کی کرسی کو لات مار دینی چاہیے، جیسا کہ سردار اختر جان مینگل نے اصولوں پر سمجھوتہ نہ کرتے ہوئے قومی اسمبلی کی نشست کو ٹھوکر مار دی۔

علامہ راجہ ناصر عباس جعفری کی طرف سے بلوچستان کے عوام، سردار اختر جان مینگل اور بی این پی کے کارکنوں کے لیے یہ پیغام لایا ہوں کہ ہم بلوچستان کے حقوق کی جدوجہد میں ہر قدم پر بلوچستان کے ساتھ کھڑے ہیں۔

مظلوم کی حمایت اور ظالم کی مخالفت ہمارے اصولی مؤقف کا حصہ ہے۔